التنوفيق العربي

السلام عليكم بربي فما حكاية تدور هالنهارين يجي يكلمك حد و يقلك حط علم فلسطين في برويفيلك باش نوريو لليهود اللي أحنا متضامنين مع فلسطين أني منيش ضد اللي يحب يعمل هكا أما بربي شنية الفايدة محسوب توا إسرائيل و اليهود باش يحسونا كيف نعملو هكا الناس الكل جايبة ما عندها أما و قت الرسمي كيف تقولو شد سلاح و حارب نأكدلم اللي شطر الشعب التونسي تو يفصع و ما تراشي قعدنا كان نتضامنو بحكايات فارغة ما تزيدهم شي علاش ما تعانوهمش بحاجات مادية هوما في حاجة أكثر ليها بالدواء و لا أي حاجة أخرى قعدنا كان شادين في القشور أما الصحيح يجيبو ربي قال شنوا أضعف الإيمان حتى هوما اليهود ما عفسو علينا كان خاطر أحنا سلمنا في المهم و شدينا في الكلمة هاذي و مناش حابين نقدمو و نعملوو حاجة تنفع سيبنا العلم و الدين و كل حاجة نجمو نتقدمو بيها و شدينا في الحكايات الفارغة و تعملنا كان النفاق كيما واحد يسب الزاني و يمشي للدار يتفرج على فيلم بورنو و اليهود شدو الدنيا الكل و فاتونا بمئات السنين بعد ما كنا حنا القدوة خاطر خدمو على رواحهم و نعرف اللي برشا ناس باش تسبني في الباج خاطر نقول في الكلام هذا أما نقلهم حاجة بركة الناس هاذم سب للصباح كان عينك ما تشوفش الستاتي هاذي و دور وجهك خاطركم ستانستو بالنفاق و ماتحبوش الحقيقة كيما الناس الكل تعرفو علينا أحنا العرب السلام عليكم مع تحيات محمد البطنيني(tunisiano) تونسي و راسي عالي و ممانحبش التبلعيط و التنوفيق متاع العرب